“Монголын хөрөнгийн бирж” ХК болон “Монгол нүүрс ассоциаци”-ийн удирдлагууд өнөөдөр /2024-04-11/ албан уулзалт хийлээ.

Уулзалтад “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Ж.Цогтбаяр, Бизнес хөгжлийн газрын захирал Т.Хаш-Эрдэнэ, Үйл ажиллагааны газрын захирал И.Жавхлан болон “Монгол нүүрс ассоциаци”-ийн Гүйцэтгэх захирал Ж.Золжаргал, Удирдах зөвлөлийн Нарийн бичгийн дарга Б.Эрдэнэцэцэг нар оролцсон.

Энэ үеэр талууд хойшдын хамтын ажиллагааны хүрээ, зарчмыг тодорхойлж дараах чиглэлээр хамтран ажиллах санамж бичиг байгууллаа. Үүнд:

Ажил хэргийн хүрээнд харилцан мэдээлэл солилцох, уул уурхайн бүтээгдэхүүний зах зээлийг сурталчлах, хөгжүүлэх, сургалт, судалгааны чиглэлээр хамтран ажиллах, уул уурхайн бүтээгдэхүүний зах зээлийн оролцогч талуудыг мэргэшүүлэх, цаг үеийн үйл ажиллагаатай холбоотой байгууллага хоорондын уулзалт, өдөрлөг, зөвлөгөөн хийхэд харилцан дэмжлэг үзүүлж ажиллахаа хамтын ажиллагааны баримт бичгээр баталгаажууллаа.

МОНГОЛЫН ХӨРӨНГИЙН БИРЖ