БНТУ-ын Станбул хотноо үүсгэн байгуулагдсан “Borsa Istanbul” биржийн Дэд ерөнхийлөгч Гюзхан Гюлай болон Гадаад харилцааны мэргэжилтэн А.Нинжин нарыг Монголын хөрөнгийн биржийн удирдлагууд өнөөдөр /2024-07-08/ хүлээн авч уулзлаа.

Уулзалтад МХБ-ийн Гүйцэтгэх захирлын үүргийг түр орлон гүйцэтгэгч Ж.Цогтбаяр, Хяналт, зохицуулалтын газрын захирал А.Мөнхбаясгалан, Захиргаа, санхүүгийн газрын захирал Х.Эрдэнэбүрэн, Уул уурхайн бүтээгдэхүүний арилжаа, бүртгэлийн газрын захирлын үүргийг түр орлон гүйцэтгэгч С.Ариунсанаа нар оролцсон.

Энэ үеэр талууд хоёр орны хөрөнгийн зах зээлийн өнөөгийн байдал, хөрөнгийн биржийн танилцуулга мэдээллийг харилцан солилцож, хойшид хэрхэн хамтран ажиллах талаар зөвлөлдлөө.

МОНГОЛЫН ХӨРӨНГИЙН БИРЖ