2024 оны 08 дугаар сарын 23-ны өдөр энгийн арилжаагаар 42 хувьцаат компанийн 325,245,691 төгрөгийн үнийн дүн бүхий 994,492 ширхэг хувьцаа арилжаалагдсанаас 16 компанийн хувьцааны ханш өсч, 19 компанийн хувьцааны ханш буурсан бол 7 компанийн ханш тогтвортой байлаа.

Үүнээс Хөвсгөл алтан дуулга ХК (ADU +13.14%), Монголын хөрөнгийн бирж ХК (MSE +8.21%), Газар Шим Үйлдвэр ХК (GAZR +4.46%) зэрэг компаниудын хувьцааны ханш хамгийн өндөр өсөлттэй байсан бол Махимпекс ХК (MMX -7.32%), Би ди сек ХК (BDS -6.60%), Улсын их дэлгүүр ХК (UID -3.55%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 3,638 ширхэг нэгж эрх 1,227,517 төгрөгөөр,

• Хөрөнгөөр баталгаажсан 323 ширхэг үнэт цаас 16,150,000 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Дарханы төмөрлөгийн үйлдвэр" ХХК-ийн 18 багц 59,400 тонн 58%-ийн агууламжтай төмрийн баяжмал 4,158,000 ам.доллар буюу 14,059,195,920 төгрөгөөр,

• "Эрдэнэс Тавантолгой" ХК-ийн 20 багц, 128,000 тонн эрчим хүчний нүүрс (Битумт, үл барьцалдах нүүрс) 6,758,400 ам.доллар буюу 22,851,772,416 төгрөгөөр тус тус арилжигдсан байна.

Энэ өдөр нийт 37,253,591,544 төгрөгийн үнийн дүн бүхий арилжаа зохион байгуулав.

ТOП-20 индекс 0.6% хувиар өсч, 48,931.1 нэгж болсон бол зах зээлийн үнэлгээ 12,044,700,743,815 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү.

•  Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ