Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнийг хэрэгжүүлэх бүх нийтийн аяны хүрээнд Монголын хөрөнгийн биржийн хамт олон өнгөрөгч бямба гарагт (2024.10.05) “Олон улсын эко цэцэрлэгт хүрээлэн”-гийн талбайд мод тарилаа.

Намрын мод тарих өдрүүд “Тэрбум мод” үндэсний хөдөлгөөн эхэлснээс хойш 7 дахь удаагаа зохион байгуулагдаж байгаа бөгөөд биржийн хамт олон энэ удаа агч, гүйлс, голт бор зэрэг моддын 70 суулгацыг мэргэжилтнүүдийн зөвлөмж, зааврын дагуу тарьж, анхны цэнэг усалгааг хийв.

Энэ үеэр тус байгууллагаас “Монголын хөрөнгийн бирж” ХК-ийн Захиргаа, санхүүгийн газрын захирал Х.Эрдэнэбүрэнд батламжийг гардуулж, хойшид суулгацын арчлалт хамгаалалтыг “Олон улсын эко цэцэрлэгт хүрээлэн” бүрэн хариуцахаа мэдэгдлээ.

МОНГОЛЫН ХӨРӨНГИЙН БИРЖ