2024 оны 11 дүгээр сарын 19-ний өдөр энгийн арилжаагаар 48 хувьцаат компанийн 1,072,581,453 төгрөгийн үнийн дүн бүхий 1,674,719 ширхэг хувьцаа арилжаалагдсанаас 24 компанийн хувьцааны ханш өсч, 19 компанийн хувьцааны ханш буурсан бол 5 компанийн ханш тогтвортой байлаа.

Үүнээс Хүрд XK (HRD +15.00%), Хархорин ХК (HHN +14.99%), Багануур ХК (BAN +14.86%) зэрэг компаниудын хувьцааны ханш хамгийн өндөр өсөлттэй байсан бол Хүннү менежмент ХК (HBZ -12.51%), Баянгол зочид буудал ХК (BNG -9.09%), Э-Транс ложистикс XК (ETR -6.41%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 244,305 ширхэг нэгж эрх 206,828,687 төгрөгөөр,

• Компанийн бондын хоёрдогч зах зээлийн арилжаагаар нийт 31 ширхэг үнэт цаас 3,100 ам.доллараар буюу 10,583,958 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Дарханы төмөрлөгийн үйлдвэр" ХХК-ийн 4 багц 13,200 тонн 58%-ийн агууламжтай төмрийн баяжмал 792,000 ам.доллар буюу 2,704,030,560 төгрөгөөр тус тус арилжигдсан байна.

Энэ өдөр нийт 3,994,024,658 төгрөгийн үнийн дүн бүхий арилжаа зохион байгуулав. 

ТOП-20 индекс 0.58% хувиар буурч, 49379.33 нэгж болсон бол зах зээлийн үнэлгээ 12,522,439,090,201 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ