Монголын хөрөнгийн бирж 2014 оны 12 дугаар сард 22 удаагийн үнэт цаасны арилжааг зохион байгуулж,  нийт 28 тэрбум төгрөгийн үнэт цаас арилжлаа.

Хувьцааны арилжаа:
Нийт 51 хувьцаат компанийн 7,627,891 ширхэг хувьцааг 4.1 тэрбум төгрөгөөр арилжсан ба багцын арилжаагаар нийт 6.9 сая ширхэг хувьцааг 2.7 тэрбум төгрөгөөр арилжсан нь нийт хувьцааны арилжааны үнийн дүнгийн 65.9 хувь байна.

ЗГЖҮЦ-ны арилжаа:
Засгийн газрын жижиглэнгийн үнэт цаасны анхдагч зах зээлийн 5 удаагийн арилжаагаар нийт 247,917  ширхэг үнэт цаасыг 23.9 тэрбум төгрөгөөр арилжсан бөгөөд энэ нь нийт арилжааны 85.4 хувь байна.

2014 оны 12-р сарын 31-ний байдлаар зах зээлийн үнэлгээ 1 их наяд 442.6 тэрбум төгрөг болсон ба ТОП-20 индекс өмнөх 11-р сартай харьцуулахад 0.44 хувь буюу 64.95 нэгжээр буурч 14,854.24 нэгж болсон байна.