"Хаан банк" ХК нь Компанийн тухай хуулийн 46 дугаар зүйл, 46.1, 46.5 дахь хэсэг, банкны дүрмийн 9 дүгээр зүйлийн 9.13, 9.14 дүгээр заалт болон Төлөөлөн Удирдах Зөвлөлийн 2026 оны 02 дугаар сарын 16-ны өдрийн №05 тогтоолын дагуу ногдол ашиг хуваарилахаар болсон байна.

Тус компани 2025 оны үйл ажиллагааны татварын дараах цэвэр ашиг болох 694,847,217,071.08 (Зургаан зуун ерэн дөрвөн тэрбум найман зуун дөчин долоон сая хоёр зуун арван долоон мянга далан нэгэн төгрөг найман мөнгө) төгрөгийн 58.8921 хувь буюу, 409,210,372,000 (Дөрвөн зуун есөн тэрбум хоёр зуун арван сая гурван зуун далан хоёр мянган) төгрөгийг нэгж хувьцаанд 214.00 (Хоёр зуун арван дөрөв) төгрөгөөр тооцож хуваарилна. 

Ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг 2026 оны хувьцаа эзэмшигчийн ээлжит хурлын бүртгэлийн өдрөөр тасалбар болгон, ногдол ашгийг эрх бүхий зохицуулагч байгууллагын зохих зөвшөөрлийг хүлээн авснаас хойш ажлын 5 өдрийн дотор “Үнэт цаасны төвлөрсөн хадгаламжийн төв” ХХК-иар дамжуулан ногдол ашиг авах эрхтэй хувьцаа эзэмшигчдийн дансанд байршуулахаар болсон байна.

Дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ