Нийслэлийн ерөнхий боловсролын 24-р сургуулийн Нийгмийн ухааны багш Х.Хулан болон 12 дугаар ангийн 50 гаруй сурагч 2026 оны 2 дугаар сарын 24, 25-ны өдрүүдэд Монголын хөрөнгийн биржид зочиллоо.

Бирж нь их, дээд сургуулийн оюутнууд, ЕСБ-ийн ахлах ангийн сурагчид болон олон нийтэд зориулсан санхүү, хөрөнгийн зах зээлийн мэдлэг, мэдээлэл олгох сургалтуудыг зохион байгуулдаг.

Энэ хүрээнд тус сургуулийн сурагчид “Санхүүгийн зах зээл” хичээлийн агуулгаа бататгах зорилгоор ийнхүү мэргэжлийн байгууллагатай хамтран ажиллаж буйгаа онцолсон юм.

“Монголын хөрөнгийн бирж” ХК-ийн Биенес хөгжил хариуцсан ахлах мэргэжилтэн П.Нямдорж “Хөрөнгө оруулалт ба хөрөнгийн зах зээл” сэдвийн хүрээнд мэдээлэл хүргэсэн бол “ГүүдСек ҮЦК”ХК-ийн мэргэжилтэн Ц.Чанцал асуулт, хариултын тэмцээн зохион байгуулж, эхний гурван байрт шалгарсан сурагчдыг МХБ-ийн I ангилалд бүртгэлтэй “Сүү” ХК-ийн хувьцаа авах эрхийн бичгээр (10,000-25,000₮) урамшууллаа.

МОНГОЛЫН ХӨРӨНГИЙН БИРЖ