Санхүүгийн зохицуулах хорооны 2026 оны 08 дүгээр сарын 13-ны өдрийн 292 дугаар тогтоол болон "Монголын хөрөнгийн бирж" ХК-ийн Гүйцэтгэх захирлын үүргийг түр орлон гүйцэтгэгчийн 2026 оны 08 дугаар сарын 18-ны өдрийн А/371 тоот тушаалаар бүртгэгдсэн “Есөн шижир актив хоёр ТЗК” ХХК-ийн нэг бүр нь 100,000 төгрөгийн нэрлэсэн үнэтэй 24 сарын хугацаатай, жилийн 19.0 хувийн хүүтэй нийт 10 тэрбум төгрөгийн үнийн дүн бүхий 100,000 ширхэг хөрөнгөөр баталгаажсан баталгаат үнэт цаасыг олон нийтэд санал болгосон.

Тус хөрөнгөөр баталгаажсан үнэт цаасны анхдагч зах зээлийн арилжааны захиалгыг өнөөдөр буюу 2026 оны 08 дугаар сарын 24-ний өдрийн 10:00 цагаас авч эхэлсэн бөгөөд 16:00 цагийн байдлаар нийт 10 тэрбум төгрөгийн захиалга ирсэн тул захиалгын санг хаалаа. "Монголын хөрөнгийн бирж" ХК-ийн арилжааны системд "Шижир-1" ХБҮЦ-ыг худалдан авахаар нийт 70 хөрөнгө оруулагчийн 70 захиалга бүртгэгдсэн байна.

МОНГОЛЫН ХӨРӨНГИЙН БИРЖ