“Монголын хөрөнгийн бирж” ТӨХК-нд бүртгэлтэй хувьцаат компаниуд нь “Бүртгэлийн журам”-ын 24.13 дахь заалт болон байгуулсан гэрээний дагуу зохих хураамж, үйлчилгээний хөлсийг тухайн оны нэгдүгээр улиралд багтаан төлөх үүрэгтэй байдаг.

 

Нэр бүхий 166 хувьцаат компани нь 2015 он ба түүнээс өмнөх оны өр төлбөрөө бүрэн барагдуулаагүй тул “Бүртгэлийн журам”-ын 25.4.2 дахь заалтын дагуу хувьцаат компаниудын нэрсийг олон нийтэд мэдээлж байна.

 

Тус хувьцаат компаниуд, түүний ТУЗ, гүйцэтгэх удирдлага нар нь “Монголын хөрөнгийн бирж” ТӨХК-ийн өмнө хүлээсэн үүргээ 2015 оны 3 дугаар сарын 31-ний дотор биелүүлэн, үйлчилгээний хөлсөө төлж, барагдуулж ажиллана уу.

 

Эдгээр компаниудыг үйлчилгээний хөлсөө төлөөгүй тохиолдолд "Монголын хөрөнгийн бирж" ТӨХК-ийн зүгээс ханшийн мэдээ гаргах болон багцын арилжаа явуулах үйлчилгээг үзүүлэхгүй болохыг дахин анхааруулж байна. 

 

Өр төлбөртэй компаниудын нэрсийг энд дарж үзнэ үү.

Арилжаа хяналтын алба

МОНГОЛЫН ХӨРӨНГИЙН БИРЖ