“Millennium IT” системийг суурилуулах ажил дуусч, Т+3 буюу төлбөр тооцооны шинэ систем рүү шилжиж байгаатай холбогдуулан Үнэт цаасны төлбөр тооцоо төвлөрсөн хадгаламжийн төв өнгөрөгч долоо хоногт Худалдаа хөгжлийн банк болон “ТиДиБи Капитал” ХХК-тай төлбөр тооцооны банкны үйлчилгээг үзүүлэх гэрээг байгуулсан бол өнөөдөр Хас банк, “Тэнгэр капитал” ХХК-тай мөн энэхүү гэрээг үзэглэсэн байна. Энэхүү гэрээний хүрээнд үнэт цаасны арилжаанд оролцож буй иргэд, аж ахуйн нэгжүүдийн төлбөр тооцоог олон улсын стандартын дагуу хийж гүйцэтгэдэг, шинэлэг төлбөр тооцооны системийг Монгол Улсад нэвтрүүлэх юм.

 Гэрээнд гарын үсэг зурах ёслолд МХБ-ийн гүйцэтгэх захирал Х.Алтай, ҮЦТТТХТ-ийн гүйцэтгэх захирал Т.Гандулам, Хас банкны гүйцэтгэх захирал Д.Бат-Очир, “Тэнгэр Капитал” ХХК-ийн гүйцэтгэх захирал М.Тэмүүжин болон холбогдох албаны хүмүүс оролцсон байна.