2015 оны 6-р сарын 25-нд Монголын геологи, уул уурхайн мэргэжлийн институтийн төлөөлөл Монголын хөрөнгийн биржд айлчилж, олон улсад хүлээн зөвшөөрөгдсөн үндэсний нөөц үнэлгээний тайланг уул уурхайн компаниудад хэрэгжүүлэх, уул уурхайн компаниудыг хөрөнгийн зах зээлд гаргах талаар санал солилцож, цаашид хамтран ажиллахаар боллоо.
Уулзалтанд Монголын геологи, уул уурхайн мэргэжлийн институтийн ерөнхийлөгч Д.Дамба, гүйцэтгэх захирал Б.Оюунгэрэл, удирдах зөвлөлийн гишүүн Б.Наранбаатар нар оролцсон.
Монголын геологи, уул уурхайн мэргэжлийн институт нь Ашигт малтмалын нөөцийн стандартын олон улсын хорооны /CRIRSCO/ гишүүн бөгөөд салбарын мэргэжилтэнгүүдийн ёс зүй, ур чадварыг дээшлүүлэх, олон улсын заавар журмыг үндэсний онцлогт тохируулан боловсруулж хэрэгжүүлэх зорилготой төрийн бус байгууллага юм.
Маркетинг Олон нийттэй харилцах алба
МОНГОЛЫН ХӨРӨНГИЙН БИРЖ