Монголын хөрөнгийн биржийн Гүйцэтгэх захирал Д.Ангар "Bloomberg Financial Information" компанийн Бээжин дэх төвийн төлөөлөгч Andrew Chiu-ийг хүлээн авч уулзлаа.

Тус уулзалтаар Монголын хөрөнгийн биржид бүртгэлтэй хувьцаат компаниудын болон бусад үнэт цааснуудын мэдээллийг "bloomberg terminal"-аар дамжуулан олон улсад хүргэх, мэдээлэл түргэн шуурхай шинэчлэгдэж байх зэрэг ажлуудыг хэлэлцлээ.

Эхний ээлжинд Монголын хөрөнгийн биржид бүртгэлтэй Топ 20 компанийн санхүүгийн тайлан зэрэг дэлгэрэнгүй мэдээллийг байршуулахад бэлэн болсон бөгөөд цаашид үе шаттайгаар үнэт цаасны зах зээлийн мэдээллийг оруулж байхаар боллоо. Ингэснээр Монгол Улсын хөрөнгийн зах зээлийн талаарх мэдээлэл олон улсад илүү нээлттэй, ил тод, түргэн шуурхай түгэх боломж нээгдэж, гадаадын хөрөнгө оруулагчид нэмэгдэх таатай алхам боллоо.