Иргэдийн арилжааны банкин дахь  хадгаламжийн хүүгийн орлого нь “Хувь хүний орлогын албан татварын тухай” (ХХОАТТ) хуулийн 13.1.4-д заасан татвар ноогдох хөрөнгийн орлогод хамаардаг.
 ХХОАТТ хуулийн 2012 оны 10-р сарын 25-ны өдрийн нэмэлт өөрчлөлтөөр орсон 16.1.16 заалтын дагуу мөнгөн хадгаламжийн нийт хэмжээ нь 100 сая төгрөгөөс дээш  нэг жил ба түүнээс бага хугацаатай болон хугацаагүй хадгаламжийн хүүгийн орлогоос бусад Монгол Улсын иргэний хадгаламжийн хүүгийн орлогыг татвараас энэ оныг дуустал хугацаанд чөлөөлж байсан.
Тиймээс  2016 оны 01 дүгээр сарын 01-ний өдрөөс эхлэн банкны бүх төрлийн хадгаламжийн хүүгийн орлогоос тус хуулийн 23.1 заасны дагуу 10 хувийн албан татвар авах болж байна.
Харин Монголын хөрөнгийн биржээр арилжаалагдаж байгаа Засгийн газрын үнэт цаас нь энэ хуулийн 16.1.5 заалтын дагуу дээрх татвараас бүрэн чөлөөлөгдсөн байдаг.

 

 Маркетинг, олон нийттэй харилцах алба
МОНГОЛЫН ХӨРӨНГИЙН БИРЖ