Сангийн сайд, Санхүүгийн зохицуулах хорооны даргын 2015 оны 4 дүгээр сарын 30-ны өдрийн 103/131 тоот хамтарсан тушаалаар "Үнэт цаасны зах зээл дээр брокер, дилер, андеррайтерийн үйл ажиллагаа эрхлэх этгээдэд мөрдөгдөх нягтлан бодох бүртгэлийн заавар",  "Үнэт цаасны зах зээл дээр брокер, дилер, андеррайтерийн үйл ажиллагаа эрхлэх этгээдэд мөрдөгдөх дансны жишиг жагсаалт, санхүүгийн тайлан болон түүний тодруулгын маягт"-ыг баталж, дээрх заавар, маягтыг 2015 оны 7 дугаар сарын 01-ний өдрөөс мөрдөхийг үүрэг болгосон.

Үүний дагуу дээрх заавар, маягт болон цахим тайланг Хороо хүлээж авахтай холбоотой мэдээллийн талаар ҮЦК-уудын нягтлан бодогчдод зориулсан тусгайлсан сургалтыг 2015 оны 10 дугаар сарын 16-ны өдрийн 14:00 цагаас Монголын хөрөнгийн биржийн арилжааны танхимд зохион байгуулах гэж байна.

Иймд сургалтад нягтлан бодогчдоо идэвхтэй оролцуулах шаардлагатайг ҮЦК-ийн удирдлагууд анхаарна уу.

 

Маркетинг, олон нийттэй харилцах алба

МОНГОЛЫН ХӨРӨНГИЙН БИРЖ