Лондонгийн хөрөнгийн биржийн академийн сургалтанд МХБ-ийн 12 мэргэжилтэн хамрагдсан бөгөөд олон улсын жишигт бүрэн нийцсэн Лондонгийн хөрөнгийн биржийн үйл ажиллагааг бүрэн хэмжээнд практик дээр судлан дэлхийн хөрөнгийн зах зээлд тэргүүлэх албан тушаал хашдаг сургагч багш нарын бэлтгэсэн олон чухал сэдвүүдийн хүрээнд Улаанбаатар Лондон гэсэн хоёр үе шатлалтай сургалтанд амжилттай хамруулсан билээ.
Лондонгийн хөрөнгийн биржийн зүгээс манай байгууллага дээр анхдагч зах зээл болон хоёрдогч зах зээл, төлбөр тооцоо хариуцсан мэргэжилтнүүд болох Maksims Kondratjukts, Francesco Minetti мөн Juergen Zeuss нар МХБ-ийн хамт олонтой гар нийлэн ажиллаж зааж зөвлөн ажиллахаас гадна тус тусын чиглэлээр өдөр бүр уулзалт сургалт зохион байгуулж “On Job Training” буюу ажлын байран дээрх практик сургалтыг зохион байгуулж МХБ-ийн ирээдүйн боловсон хүчийг бэлтгэж байна.