Санхүүгийн зохицуулах хорооны 2012 оны 09-р сарын 12-ны өдрийн 283-р тоот тогтоолоор “Монгол нэхмэл” ХК-ийн нийт гаргасан 474,164 ширхэг хувьцааны 56.52 хувь буюу 267,998 ширхэг хувьцааг эзэмшигч нэгдмэл сонирхолтой этгээд болох Р.Энхтайван, С.Мандухай, Э.Энхжин нараас тус хувьцаат компанийн бусад хувьцаа эзэмшигчдийн өмчлөлд байгаа нийт хувьцааны 43.48 хувь буюу 206,166 ширхэг хувьцааг нэг бүрийг нь 3,293 /гурван мянга хоёр зуун ерэн гурав/ төгрөгөөс доошгүй үнээр худалдан авах санал гаргасныг зөвшөөрсөн байна.
Тогтоолын дагуу тендер саналын хүчинтэй байх хугацааг 2012 оны 09-р сарын 12-ны өдрөөс эхлэн ажлын 60 хоног байхаар тогтоосон байна.