1.    “САНАР” ХХК-ИЙН БРОКЕР, ДИЛЕРИЙН ҮЙЛ АЖИЛЛАГАА ЭРХЛЭХ ТУСГАЙ ЗӨВШӨӨРЛИЙГ СЭРГЭЭЛЭЭ.
СЗХ-ны 2012 оны 10 дугаар сарын 10-ны өдрийн 296 тоот тогтоолоор МХБ-ийн гишүүн “Санар” ХХК-ийн тусгай зөвшөөрлийг сэргээсэн байна. Тус компанийг Үнэт цаасны зах зээлийн тухай хуулийн 27.3.2 заалтыг зөрчиж, зөрчлөө арилгах шаардлагыг биелүүлээгүй зэргийг үндэслэн тус хуулийн 37.2.5-д заасны дагуу 2011 оны 3 дугаар сарын 28-ны өдрийн Улсын байцаагчийн албан шаардлагаар брокер, дилерийн үйл ажиллагааг нь зогсоож, СЗХ-ны 2011 оны 5 дугаар сарын 06-ны өдрийн 144 тоот тогтоолоор тусгай зөвшөөрлийг нь түдгэлзүүлээд байсан билээ.

2.    “ФИНАНС ЛИНК ГРУПП” ХХК-ИЙН АНДЕРРАЙТЕРИЙН ҮЙЛ АЖИЛЛАГАА ЯВУУЛАХ ТУСГАЙ ЗӨВШӨӨРЛИЙГ ХҮЧИНГҮЙ БОЛГОЛОО.
СЗХ-ны “Үнэт цаасны зах зээлд мэргэжлийн ажил үйлчилгээ эрхлэх тусгай зөвшөөрлийн журам”-ын 8.2.3 дахь заалтыг үндэслэн СЗХ-ны 2012 оны 10 дугаар сарын 10-ны өдрийн 297 тоот тогтоолын дагуу МХБ-ийн гишүүн “Финанс линк групп” ХХК-ийн үнэт цаасны зах зээлд андеррайтерийн үйл ажиллагаа явуулах тусгай зөвшөөрлийг хүчингүй болгосон байна.