УИХ-ын хаврын ээлжит чуулган хуулийн хугацаагаараа энэ оны 4 дүгээр сарын 5-нд эхлэх бөгөөд УИХ-ын даргын 2013 оны 61 дүгээр захирамжаар УИХ-ын 2013 оны хаврын ээлжит чуулганаар хэлэлцэх асуудлын дарааллыг тогтоон гаргасан байна.

     Хаврын чуулганаар хэлэлцэх асуудлын дарааллын 4 дүгээрт “Үнэт цаасны зах зээлийн тухай” хуулийн шинэчилсэн найруулгын төслийг хэлэлцүүлэхээр оруулсан байна.

     “Үнэт цаасны зах зээлийн тухай” хуулийн төслийн шинэчилсэн найруулгын төсөлд үнэт цаасны давхар бүртгэлийн зохицуулалт, санхүүгийн хэрэгсэл, опцион, фьючерсийн гэрээ, хөрвөх үнэт цаас, үүсмэл санхүүгийн хэрэгсэл, болон хадгаламжийн бичиг, кастодианы үйл ажиллагааны гэх мэт зах зээлд нэн шаардлагатай зохицуулалтууд агуулагдсан юм.  

     Түүнчлэн, УИХ-ын хаврын чуулганаар “Стратегийн ач холбогдол бүхий салбарт үйл ажиллагаа явуулж байгаа аж ахуйн нэгжид гадаадын хөрөнгө оруулалтыг зохицуулах тухай” хуульд өөрчлөлт оруулах тухай хуулийн төсөл зэрэг чухал асуудлуудыг хэлэлцэхээр баталжээ.

Мэдээллийн Алба

МОНГОЛЫН ХӨРӨНГИЙН БИРЖ