"Монголын хөрөнгийн бирж" ТӨХК-аас орон нутгийн иргэдийн үнэт цаасны зах зээлийн талаарх мэдлэг, мэдээллийг нэмэгдүүлэх, иргэдэд олгосон "Эрдэнэс таван толгойн" ХК-ийн 1072 ширхэг хувьцааны талаарх дэлгэрэнгүй мэдээлэл өгөх зорилгоор үнэт цаасны зах зээлийн мэргэжлийн байгууллагууд болон "Эрдэнэс таван толгой" ХК-тай хамтран "Үнэт цаасны зах зээлийн нээлттэй өдөрлөг" арга хэмжээг 2018 оны 11 дүгээр сарын 16,17,18-ны өдрүүдэд Орхон аймагт зохион байгуулахаар боллоо.

Өдөрлөгийн үеэр хөрөнгийн зах зээлийн суурь ойлголтууд, хувьцаа, бондын арилжаанд хэрхэн оролцох, хөрөнгийн зах зээлээс компаниуд санхүүжилт татах боломж зэрэг сэдвээр сургалт явуулахаас гадна "Эрдэнэс Тавантолгой" ХК-ийн үйл ажиллагаа, иргэдэд олгосон хувьцааны талаарх дэлгэрэнгүй мэдээлэл, 1991 оны хөрөнгө оруулалтын эрхийн бичигтэй /ягаан цэнхэр тасалбар/ холбоотой дансны мэдээллийг шүүх, ногдол ашгийн мэдээллийг өгөх, арилжааны данс нээх, иргэдийн өргөдөл гомдлыг хүлээн авах зэрэг хувьцаа үнэт цаастай холбоотой нэг цэгийн үйлчилгээ үзүүлэх тул иргэдийг өргөнөөр оролцохыг урьж байна. 

МОНГОЛЫН ХӨРӨНГИЙН БИРЖ