Дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх, экологийн тэнцвэрт байдлыг хангахад хувь нэмэр оруулах зорилгоор Монгол Улсын Ерөнхийлөгч У.Хүрэлсүхийн санаачлагаар “Тэрбум мод” үндэсний хөдөлгөөнийг эхлүүлээд байгаа билээ.

Өнөөдөр "Монголын хөрөнгийн бирж" ТӨХК-ийн хамт олон “Тэрбум мод” үндэсний хөдөлгөөнд нэгдэж Нийслэлийн Сонгинохайрхан дүүргийн 24-р хороонд мод тарьж нэрэмжит төгөлтэй боллоо. Монголын хөрөнгийн биржийн Гүйцэтгэх захирал Х.Алтай нээлтийн арга хэмжээний үеэр хэлсэн үгэндээ "Дэлхийн уур амьсгалын дулаарал, цөлжилтийн эсрэг авч хэрэгжүүлж буй үндэсний хөдөлгөөнд нэгдэж байгаадаа манай байгууллага хамт олон баяртай байна. Бид зөвхөн тариад орхих биш тордож ургуулахдаа анхаарна" хэмээн онцоллоо.  

МОНГОЛЫН ХӨРӨНГИЙН БИРЖ