Монголын хөрөнгийн бирж нь үнэт цаас гаргагчдын мэдээллийн ил тод байдлыг сайжруулах, хөрөнгө оруулагчдын эрх ашгийг хамгаалах зохицуулалтыг боловсронгуй болгох, тогтвортой санхүүжилтийн зарчмуудыг хөрөнгийн зах зээлд нэвтрүүлэх ажлын хүрээнд "Үнэт цаас гаргагчаас олон нийтэд хүргэх мэдээллийн журам”-ыг холбогдох хууль, тогтоомж, олон улсын практикт нийцүүлэн боловсрууллаа.

Тус журмын төсөл нь бүртгэлтэй компаниудын мэдээллийн төрлийг нэмэгдүүлж, мэдээлэл хүргэх процессийг хялбаршуулж, олон нийтэд түргэн шуурхай хүргэх боломжийг бий болгох ач холбогдолтойгоос гадна "Тогтвортой хөрөнгийн бирж санаачилга"-ын хүрээнд  ESG буюу Байгаль орчин, нийгэм, засаглалын тайлагналын стандартыг зах зээлд нэвтрүүлэхээр журмын төсөлд оруулаад байна.

СЗХ-ны “Үнэт цаасны зах зээлийн өөрийгөө зохицуулах байгууллага болон зохицуулалттай этгээдийн дүрэм, журмыг батламжлах, бүртгэх тухай заавар”-ын 2.2.2-т заасны дагуу МХБ нь шинээр боловсруулсан “Үнэт цаас гаргагчаас олон нийтэд хүргэх мэдээллийн журам”-д санал авахаар цахим хуудсанд байршууллаа. .

Иймд бүртгэлтэй компаниуд болон зах зээлд оролцогч та бүхнийг энэхүү журмын төсөлтэй танилцаж, холбогдох саналаа 2021 оны 12 сарын 01-ний өдөрт багтаан манай байгууллагад ирүүлэхийг хүсье.

Саналыг цаасаар болон цахимаар (togtokhbayar@mse.mn, manaljav.a@mse.mn) ирүүлж болох ба асууж тодруулах зүйлс байвал 11-31 35 11 /дотуур утас 3211, 5115/ дугаарт холбогдоно уу.

МХБ-ийн “Үнэт цаас гаргагчаас олон нийтэд хүргэх мэдээллийн журам”-ын төсөлтэй Энд дарж танилцана уу.

МОНГОЛЫН ХӨРӨНГИЙН БИРЖ