2022 оны 01 дүгээр сарын 04-ний өдөр энгийн арилжаагаар 47 хувьцаат компанийн 655,790,592 төгрөгийн үнийн дүн бүхий 1,008,936 ширхэг хувьцаа арилжигдсанаас 20 хувьцаат компанийн хувьцааны ханш өсч, 20 хувьцаат компанийн хувьцааны ханш буурсан бол 7 компанийн хувьцаа ханш тогтвортой байлаа. Үүнээс "Мандал говь импэкс" ХК (MNG+13.59%), "Хөвсгөл хүнс" ХК (HHS+13.24%), болон "Женко тур бюро" ХК (JTB+ 8.79%) зэрэг компаниудын хувьцааны ханш хамгийн өндөр өсөлттэй байсан бол "Улсын их дэлгүүр" ХК (UID -14.99%), "Инвескор ББСБ" ХК (INV- 9.09%) болон "Багануур" ХК (BAN- 7.92%) хувьцаа хамгийн  их уналттай байлаа.

Хөрөнгө оруулалтын 2 сангийн нийт 125,949 ширхэг нэгж эрх 43,492,282 төгрөгөөр арилжигдсан байна.

Компанийн гаргасан хувьцааны хяналтын багцыг худалдан авах тендер саналаар "Хөсөг трейд" ХК-ийн нэг бүр нь 73,505 төгрөгийн үнэ бүхий 193,973 ширхэг хувьцааг нийт 14,257,985,365 төгрөгөөр арилжаалсан байна.

Энэ өдөр компанийн бондын хоёрдогч зах зээлийн арилжаанд нийт 500 ширхэг үнэт цаас 50,000,000 төгрөгөөр арилжигдсан байна.

ТOP-20 индекс 1.76 хувиар буурч 43126.81 нэгжид хүрсэн бол зах зээлийн үнэлгээ 5,977,920,247,015.74 төгрөг боллоо. 

Арилжааны дэлгэрэнгүй мэдээллийг Энд дарж үзнэ үү.   

                                                                   МОНГОЛЫН ХӨРӨНГИЙН БИРЖ