Санхүүгийн зохицуулах хорооны “Үнэт цаас гаргагчаас мэдээллийг нийтэд тогтмол хүргэх тухай журам”-ын 2.2 дах заалтын дагуу үнэт цаас гаргагч нь хагас жилийн үйл ажиллагааны тайланг 8 дугаар сарын 01-ний дотор өөрийн компанийн болон Хөрөнгийн биржийн цахим хуудсаар дамжуулан нийтэд мэдээллэх үүрэгтэй байдаг.
 Одоогийн байдлаар “Монгол савхи” ХК, “Мандалговь импекс” ХК, “Жуулчин говь” ХК, “Э-транс Ложистикс” ХКомпаниуд 2014 оны хагас жилийн үйл ажиллагааны тайлангаа Монголын хөрөнгийн биржид ирүүлж, нийтэд мэдээллээд байна.
“Үнэт цаасны зах зээлийн тухай хууль”-ийн 20.1.7 дахь заалт, 56-р зүйлд заасан компанийн үйл ажиллагааны тайлангийн талаарх мэдээллийг зохих журмын дагуу тогтоосон хугацаанд нь гаргах шаардлагатай байгааг хувьцаат компаниудад анхааруулж байна.

Мэдээллийн алба
МОНГОЛЫН ХӨРӨНГИЙН БИРЖ