Монголын хөрөнгийн биржийн II ангилалд бүртгэлтэй “Эрдэнэс сольюшинс” ХК-ийн нийтэд санал болгосон нэмэлт хувьцааны анхдагч зах зээлийн арилжааг Санхүүгийн зохицуулах хорооны даргын 2022 оны 07 дугаар сарын 05-ны өдрийн 1/2783 тоот тушаалаар амжилттай болсонд тооцож, өнөөдөр буюу 2022 оны 07 дугаар сарын 08-ны өдөр хоёрдогч зах зээлийн арилжааг нээн хүндэтгэлийн цан цохилоо.
“Эрдэнэс сольюшинс” ХК-ийн анхдагч зах зээлийн арилжааг Монголын хөрөнгийн биржийн арилжааны системээр дамжуулан 2022 оны 06 дугаар сарын 22-ноос 07 дугаар сарын 05-ны өдрийг дуустал хүлээн авсан бөгөөд анхдагч зах зээлийн арилжааны явцад эрэлт нь нийлүүлэлтээс давж, “green shoe” хэрэгжүүлсэн. Ингэснээр тус компани нийт 17,706,154 ширхэг хувьцааг тогтоосон үнийн аргаар нэг бүрийг нь 108 төгрөгөөр олон нийтэд санал болгож, 1,912,264,632 төгрөгийг амжилттайгаар татан төвлөрүүлсэн билээ.
МОНГОЛЫН ХӨРӨНГИЙН БИРЖ