Монголын хөрөнгийн биржид бүртгэлтэй хувьцаат компани нь Монгол Улсын “Үнэт цаасны зах зээлийн тухай хууль”-ийн 20 дугаар зүйлийн 20.1.6, “Нягтлан бодох бүртгэлийн тухай хууль”-ийн 10 дугаар зүйлийн 10.3 дахь заалт болон Санхүүгийн зохицуулах хорооны “Үнэт цаасны бүртгэлийн журам”-ын 10.7, Монголын хөрөнгийн биржийн “Үнэт цаас гаргагчаас олон нийтэд хүргэх мэдээллийн журам”-ын 7.1, 7.2-т тус тус заасны дагуу Компанийн хагас жилийн санхүү болон үйл ажиллагааны тайлангаа 7 дугаар сарын 20-ны дотор Монголын хөрөнгийн биржид хүргүүлэх үүрэгтэй байдаг билээ. 

Монгол Улсын Сангийн яамнаас санхүүгийн тайлан хүлээж авах хугацааг 2022 оны 7 дугаар сарын 27-ны өдрийг хүртэл сунгасантай холбогдуулан 2022 оны хагас жилийн санхүүгийн тайлан болон үйл ажиллагааны тайлангаа заасан хугацаанд багтаан ирүүлж, хуулиар хүлээсэн үүргийн хэрэгжилтийг хангаж ажиллахыг нийт бүртгэлтэй хувьцаат компаниудад анхааруулж байна. 

Хэрэв заасан хугацаанд хуулиар хүлээсэн үүргээ биелүүлээгүй тохиолдолд Монголын хөрөнгийн биржийн зүгээс зөрчлийн талаар олон нийт болон Санхүүгийн зохицуулах хороонд мэдэгдэж, СЗХ-ны “Үнэт цаасны бүртгэлийн журам”-ын 12.1, 12.2 дахь заалт, МХБ-ийн холбогдох журмууд болон Бүртгэлийн гэрээнд заасан хариуцлагын арга хэмжээг ногдуулахыг анхаарна уу.

МОНГОЛЫН ХӨРӨНГИЙН БИРЖ